Суханронии роҳбари ҳайати кишвар дар чорабинии “Фарогирии умумии тандурустӣ: амали якҷоя ба мақсади созмон додани олами солимтар”

Суханронии роҳбари ҳайати кишвар дар чорабинии “Фарогирии умумии тандурустӣ: амали якҷоя ба мақсади созмон додани олами солимтар”
Сентябр 25
07:33 2019

23 сентябри соли 2019 дар ҳошияи иҷлоси 74-уми Маҷмаи Умумии СММ чорабинии сатҳи баланд таҳти унвони “Фарогирии умумии тандурустӣ: амали якҷоя бо мақсади созмон додани олами солимтар” баргузор гардид.

Дар чорабинии мазкур роҳбари ҳайати кишвар, Сарвазири Ҷумҳурии Тоҷикистон Қоҳир Расулзода иштирок ва суханронӣ намуд.

Роҳбари ҳайати Тоҷикистон ҳозиринро дар бораи дастовардҳо ва нақшаҳо дар соҳаи тандурустӣ шинос карда, иброз намуд, ки Тоҷикистон минбаъд низ баҳри фарогирии ҳамаҷонибаи хизматрасониҳои тандурустӣ чораҳо меандешад.

Дар ҷаласаи мазкур ҳамчунин президенти Гурҷистон Саломе Зурабишвили, вазирони тандурустии Россия Вероника Сквортсова, Қазоқистон Елжан Биртанов ва дигарон иштирок ва суханронӣ карданд.

Аз рӯи натиҷаҳои ҷаласа «Эъломияи сиёсии СММ оид ба таъмини фарогирии умумии тандурустӣ» қабул гардид.

Тавре Дабири кулли СММ Антониу Гутерриш тазаккур дод, ҳадафи эъломияи мазкур «таъмини фарогирии умумии тандурустӣ то соли 2030» ва ташвиқи ҷомеаи ҷаҳонӣ ба бартараф кардани бемориҳои сироятӣ, аз ҷумла ВНМО, сил ва вараҷа, инчунин бемориҳои сироятнашаванда дар 10 соли оянда бо роҳи ташаккули низоми қавӣ ва фасеҳи тандурустӣ мебошад. Илова бар ин, низоми мазкур метавонист ба ҳалли чунин мушкилоти тиббӣ, аз қабили муқовимати антибиотикҳо имкон диҳад.

Директори генералии Созмони умумиҷаҳонии тандурустӣ /СУТ/ Тедрос Аданом Гебрейесус зикр кард, ки фарогирии умумии тандурустӣ шарти калидии рушди устувор аст. Бино ба маълумоти СУТ, то соли 2030 ду баробар зиёд кардани фарогирии хизматрасониҳои тиббӣ зарур аст, зеро агар тамоюлҳои мавҷуда идома ёбанд, он гоҳ то 5 миллиард нафар аз кумаки тиббӣ бархурдор шуда наметавонанд, ки ин яке аз ҳадафҳои асосии расидан ба рушди устувор дониста мешавад.

«Бинобар ин, қабули чунин эъломияи сиёсӣ аз ҷониби СММ барои 11 соли минбаъда, яъне то соли 2030, вақте ки ҳадафҳои рушди устувори СММ бояд иҷро шаванд, барои низоми ҷаҳонии тандурустӣ ва рушди глобалӣ аҳамияти таърихӣ дорад», — гуфт Директори генералии СУТ.

 

Дигар Хабарҳо

Ҳифзи тандурустии аҳолӣ яке аз самтҳои афзалиятноки сиёсати иҷтимоии давлат ва Ҳукумати Ҷумҳурии Тоҷикистон мебошад

Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон рамзи «Соли рушди деҳот, сайёҳӣ ва ҳунарҳои мардумӣ»-ро бо мақсади муаррифии ҳамаҷонибаи иқдоми мазкур тасдиқ намуданд.

Кодекси тандурустии Ҷумҳурии Тоҷикистон

Абуали Ибни Сино

Ҳафтаномаи “Паёми шифо”

Лоиҳаҳои иншоотҳои намунавӣ













 border=


 border=


 border=


 border=


 border=


Шумораи хонандагон

  • 0
  • 13
  • 531
  • 207,467