Имрӯз, 25 октябри соли равон аз ҷониби Агентии давлатии ҳифзи иҷтимоии аҳолии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ярмаркаи фурӯши маҳсулоти кишоварзӣ, аз ҷумла картошкаву пиёз ва сабзӣ барои кормандони соҳаи тандурустӣ баргузор карда шуд.
Дар ярмарка 10 тонна картошкаву пиёз ва сабзӣ ба фурӯш гузошта шуда, ба кормандони соҳаи тандурустӣ бо нархи дастрас фурӯхта шуданд.
Нархи маҳсулотҳои зикршуда дар муқоиса ба нархи бозор хеле арзон ва дастрас буданд. Аз ҷумла нархи сабзӣ 70 дирам, картошка ва пиёз 1сомонӣ ба фурӯш гузошта шуданд.
Ёдовар мешавем, ки тибқи анъана имрӯзҳо дар вазорату идораҳои кишвар ярмаркаи фурӯши маҳсулоти кишоварзӣ идома дорад.
Иқдоми мазкур дар партави дастуру супоришҳои Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон баҳри баланд бардоштани сатҳи некуаҳволии мардум амалӣ карда мешавад.