ЧАНД ТАВСИЯ БАРОИ ЗИНДАГӢ ДАР ШАРОИТИ ПАНДЕМИЯ. Мутахассисон ва коршиносон маслиҳат медиҳанд, ки дору захира кунед, хоби кофӣ равед, оби зиёд нӯшед, дастҳоятонро мунтазам шуед, ниқобҳо барои рӯйро истифода набаред…

ЧАНД ТАВСИЯ БАРОИ ЗИНДАГӢ ДАР ШАРОИТИ ПАНДЕМИЯ. Мутахассисон ва коршиносон маслиҳат медиҳанд, ки дору захира кунед, хоби кофӣ равед, оби зиёд нӯшед, дастҳоятонро мунтазам шуед, ниқобҳо барои рӯйро истифода набаред…
Март 12
15:18 2020

Созмони умумиҷаҳонии тандурустӣ (СУТ) хуруҷи коронавирусро, ки бар асари он беш аз 4000 нафар вафот намуданд, пандемия эълом кард. «Forbes Staff» фикру мулоҳизаҳои мутахассисон ва коршиносонро, ки ба одамон дар бораи тарзи зиндагӣ дар шароити пандемия машварат медиҳанд, ҷамъ овард.

Коронавируси COVID-19, ки дар Чин хуруҷ кард, дар муддати кӯтоҳ аз як қитъа ба қитаъи дигар зуд паҳн шуд. СУТ рӯзи чоршанбе хуруҷи бемориро пандемияи глобалӣ эълон кард.

Чанде пеш «Business Insider» машваратҳои коршиносонро дар бораи чӣ гуна омода будан ба пандемияи коронавирус ҷамъ овард. Маслиҳатҳо барои ИМА буданд, аммо бисёре аз онҳо универсалӣ мебошанд ва онҳоро метавон дар дигар давлатҳо низ истифода кард. Маслиҳати коршиносон дар зер оварда мешавад:

  1. Департаменти амнияти дохилии ИМА маслиҳат додааст, ки машқи бадан кунед, миқдори зиёди об нӯшед ва хоби кофӣ равед.
  2. Маслиҳати дигари ин ниҳод – дар даст доштани нусхаҳо ё шакли электронии китобчаҳои тиббӣ дар бораи вазъи саломатӣ. Тавре тадқиқоти охирини Маркази назорат ва пешгирии бемориҳои Чин (МНПБ) нишон дод, коронавирус барои одамони калонсоле, ки бо вазъи саломатиашон мушкилӣ доранд, хатарнок аст. Масалан, фавт аз коронавирус миёни беморони гирифтори бемориҳои қалбӣ тақрибан 10% ва миёни беморони диабети қанд тақрибан 7%-ро ташкил медиҳад.
  3. МНПБ тавсия медиҳад, ки дастҳоро мунтазам бо собун бишӯед ва аз маҳлулҳои спиртдори тамизкунанда истифода баред. Инчунин коршиносони марказ тавсия медиҳанд, ки ба чашм, даҳон ва бинӣ даст нарасонед. Дар ҳолати пайдошавии нишонаҳои марбут ба бемориҳои роҳи нафас, МНПБ маслиҳат медиҳад, ки дар хона монед, то дигаронро сироят накунед.
  4. Мутахассисони МНПБ даъват карданд, ки аз сафар ба давлатҳои дорои шумораи бештари беморон худдорӣ намоед. Ҳангоми баргаштан аз ин кишварҳо, шахсони гирифтори табларза, сулфа ё нафастангӣ бояд ба духтур муроҷиат кунад.
  5. МНПБ инчунин тавсия медиҳад, ки ниқобҳо барои рӯйро истифода набаред. «Пӯшидани ниқоб, сарфи назар аз ҳолатҳое, ки гап дар бораи корманди соҳаи тиб меравад, ҳеҷ гоҳ худро ҳамчун роҳи муассири ҳифз аз бемориҳои сироятӣ нишон надод», — гуфт корманди илмии Маркази бехатарии саломатии Ҷон Хопкинс Эрик Тонер ба «Business Insider».
  6. Тибқи ақидаи вирусшинос Иэн Маккей аз Донишгоҳи Квинсленд, беҳтар аст маҳсулоти зуд вайроншавандаро харидорӣ накунем, балки меваҳои хушк, донагиҳо, моҳӣ ва сабзавоти консервшуда, лӯбиё, қаҳва, ғалладонагӣ ва макарон бигирем. Коршинос зикр намуд, ки харидории маҳсулот, аз қабили нон, шир, тухм ва йогурт танҳо дар сурате, ки захираи онҳо тамом мешавад, имконпазир аст.
  7. Дар блоги худ Маккей инчунин маслиҳат дод, ки доруҳои бидуни тавсияи духтур фурӯхташаванда, қоғази ташноб, хокаи ҷомашӯӣ ва хӯрокӣ барои ҳайвони хонагӣ захира намоед.
  8. Ҳамзамон вирусшинос аз хариди молу ашёи нодаркор, ки барои ду ҳафта лозим намешаванд, хабардор кард. «Мо дар бораи зомб-апокалипсис (охири замон) гап намезанем ва эҳтимоли зиёд қатъи неруи барқ ё обро нахоҳем дид», — гуфт Маккей.
  9. Мутахассиси бемориҳои сироятӣ Маргарэт Нилл аз Донишгоҳи Браун ба «The New York Times» гуфтааст, ки дар вазъи баамаломада мардумро мебояд барои ҳадди ақал як моҳ дору захира намоянд.

АКС аз Matthew Horwood / Getty Images

Дигар Хабарҳо

Ҳифзи тандурустии аҳолӣ яке аз самтҳои афзалиятноки сиёсати иҷтимоии давлат ва Ҳукумати Ҷумҳурии Тоҷикистон мебошад

Кодекси тандурустии Ҷумҳурии Тоҷикистон

Табассум Солимии Равонӣ

Абуали ибни Сино

Гузориши видеоӣ

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон рамзи «Соли рушди деҳот, сайёҳӣ ва ҳунарҳои мардумӣ»-ро бо мақсади муаррифии ҳамаҷонибаи иқдоми мазкур тасдиқ намуданд.

Лоиҳаҳои иншоотҳои намунавӣ

Календар

Март 2024
Д С Ч П Ҷ Ш Я
« பிப்    
 123
45678910
11121314151617
18192021222324
25262728293031

Саволнома

Шумораи хонандагон

  • 1
  • 998
  • 1,263
  • 842,747