Бахшида ба ҷашни Ваҳдати миллӣ имрӯз, 27 июни соли равон Директори Агентии давлатии ҳифзи иҷтимоии аҳолии Ҷумҳурии Тоҷикистон Абдулҳаким Холзода ва Парвиз Акрамзода, иҷрокунандаи Раиси шаҳри Турсунзода аз Муассисаи давлатии “Хона-интернати пиронсолон ва маъюбони шаҳри Турсунзода” дидан намуданд.
Зимни боздид Директори Агентии давлатии ҳифзи иҷтимоии аҳолӣ бо шароити бошандагони муассисаи мазкур шинос шуда, онҳоро ба ҷашни Ваҳдати миллӣ табрик намуд.
Номбурда иброз намуд, ки дастгирии табақаҳои ниёзманди ҷомеа, аз ҷумла пирону маъюбон зери таваҷҷуҳи махсуси Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон қарор дошта, ин табақаи ҷомеа ҳамеша аз ҷониби давлат ва Ҳукумати кишвар дастгирӣ меёбанд.
Ба бошандагони муассисаи мазкур аз ҷониби Агентии давлатии ҳифзи иҷтимоии аҳолӣ, Мақомоти иҷроияи ҳокимияти давлатии шаҳри Турсунзода ва ташкилоти ҷамъиятии хайриявии “Ҳамадонӣ” меваю сабзавот, маводҳои хӯрокаву доруворӣ дастрас карда шуд.