Дар асоси Нақша-чорабинии Бахши кор бо ҷавонон ва варзиши шаҳри Истаравшан дар саҳнаи масҷиди “Ҳазрати Шоҳ” дар якҷоягӣ бо кормандони бахши дин ва Беморхонаи марказии шаҳри Истаравшан мулоқоти судманд бо имомхатибони масҷидҳои ҷомеъ ва панҷвақта, сармутахассисон оид ба корҳои дин ва танзими ҷашну маросимҳо доир карда шуд.
Нахуст дар ҷамъомад роҳбари гуруҳи корӣ, муовини Раиси шаҳри мазкур Нигора Наимҷонзода баромад намуда, оид ба риояи гигиенаи шахсию ҷамъиятӣ дар маҳалҳо, гаштугузор бо ниқоби тиббӣ дар ҷойҳои ҷамъиятӣ, тую маърака ва маросими азодорӣ суханронӣ намуд.
Дар навбати худ муовини сартабиби Беморхонаи марказии шаҳри Истаравшан Ғафур Маъруфзода баромад намуда, оид ба сабабҳои пайдоиш ва бемории сироятии коронавируси нави COVID-19 ва иштирокчиëн маълумот дод.
Дар идомаи чорабинӣ иштирокчиён вобаста ба паҳлуҳои гуногуни бемории мазкур суханронӣ намуда, пурзӯр намудани корҳои фаҳмондадиҳиро дар байни аҳолӣ аз чораҳои муҳими пешгирикунандаи ин беморӣ арзёбӣ намуданд.
(Акс аз бойгонӣ)