Давоми солҳои соҳибистиқлолии давлатӣ дар кишвар бунёд, азнавсозӣ ва таъмиру тармими муассисаҳои тандурустӣ ба ҳукми анъана даромадааст.
Боиси хушнудист, ки ҷиҳати баланд бардоштани хизматрасонии тиббӣ ҳамасола дар кишвар чандин муассисаҳои тиббии замонавӣ бунёд ва ба истифода мешаванд.
Давоми 9 моҳи соли ҷорӣ дар вилояти Хатлон 10 адад муассисаҳои кӯмаки аввалияи тиббию санитарӣ (КАТС) ба маблағи зиёда аз 1,5 миллион сомонӣ сохта ба истифода дода шуда, айни замон дар вилоят сохтмони муассисаҳои тиббӣ идома доранд.
Ҳамзамон, дар ин давра дар ноҳияи Темурмалик Маркази саломатии Танобчӣ аз ҳисоби соҳибкорон ба маблағи 672 ҳазор сомонӣ азнавсозӣ карда шуда, сохтмони бунгоҳҳои саломатӣ дар деҳаҳои Танобчии боло, Гузари тор ва Даҳани намак ҷараён доранд.