Бо мақсади дар амал тадбиқ намудани супориши Роҳбари Дастгоҳи иҷроияи Президенти Ҷумҳурии Тоҷикистон аз 1 марти соли 2017 ҷиҳати ташкил намудани ҳашарҳо, корҳои сохтмону ободонӣ, таъмири биною иншоот, тоза намудани гирду атрофи идораҳо ва ҳамзамон саҳмгузорӣ намудан дар гулгулшукуфоии кӯчаву хиёбонҳо Вазорати тандурустӣ ва ҳифзи иҷтимоии аҳолии Ҷумҳурии Тоҷикистон рӯзҳои 4, 5, 11, 12, 18 ва 19 марти соли равон дар муассисаҳои тандурустии ҷумҳуриявӣ, муассисаҳои давлатии таълимӣ, хадамотҳои назоратӣ, муассисаҳои ҳифзи иҷтимоии аҳолӣ, инчунин, дигар муассисаҳои соҳавии зертобеи вазорат ҳашарҳо ташкил намуда, дар корҳои сохтмону ободонӣ, таъмири биною иншоот, тоза намудани гирду атрофи идораҳои дар зертобеи худ қарор дошта мусоидат намуд. Дар ҳашарҳои баҳри ободониву гулгулшукуфоии ташкилшуда 10651 нафар кормандон ба ҳашари умумӣ баромада, дар бунёду ташкили гулгаштҳо, кабудизоркунӣ, тоза намудани гирду атрофи муассисаҳо ва корҳои ободонӣ, аз ҷумла таъмири биною иншоотҳо фаъолона иштирок намуданд. Дар чорабинҳои мазкур 2690 бех дарахтони сояафкан ва ороишӣ, 3328 бех дарахтони мевадиҳанда, 19151 адад гулҳои гуногун шинонида шуд. Ҳамчунин 14403 м2 гирду атрофи муассисаҳо тоза карда шуда 2864 бех ниҳолхо нарм карда шуд. Ҳамзамон 47 биною иншоот таъмир карда 92 овезаҳо васл карда шуданд. 4218 м қубурҳо тоза карда шуда 19 м3 партовҳои сахти маишӣ бароварда шуд.