Аз ҷониби кормандони Сарраёсати Хадамоти назорати давлатии тандурустӣ ва ҳифзи иҷтимоии аҳолӣ дар вилоят Хатлон доир ба пурзӯр намудани чораҳои пешгирикунандаи бемории коронавируси нави COVID-19 пайваста чорабиниҳои оммафаҳмонӣ доир мегарданд.
Чунин як чорабинии оммафаҳмонӣ 10 декабри соли равон аз ҷониби кормандони сарраёсати мазкур дар бозорҳои “Ҳоҷи Шариф”, “Фаровон” ва майдони Исмоили Сомонии шаҳри Бохтар доир гардида, дар ҷараёни он ба шаҳрвандон доир ба риояи гигенаи шахсӣ ва фосилаи иҷтимоӣ ва пӯшидани ниқоби тиббӣ корҳои фаҳмондадиҳӣ гузаронида шуд.
Ҳамчунин, дар доираи чорабинии мазкур бо ронандагону масъулони соҳаи нақлиёти ҷамъиятии шаҳри Бохтар низ корҳои фаҳмондадиҳӣ гузаронида шуда, дар ҷараёни он ба ронандагон ва мусофирон ниқоби тиббӣ ва маҳлулҳои антисептикии ройгон тақсим карда шуд.
Бояд гуфт, ки Сарраёсати Хадамоти назорати давлатии тандурустӣ ва ҳифзи иҷтимоии аҳолӣ дар вилояти Хатлон ҳамарӯза вобаста ба пешгирӣ аз паҳншавии бемории COVID-19, аз ҷумла пӯшидани ниқоби тиббӣ, риояи фосиаи иҷтимоӣ гигиенаи шахсӣ дар байни ҷомеа корҳои фаҳмондадиҳӣ мегузаронад.