Раёсати тандурустии вилояти Хатлон фаъолияти хешро дар соли 2020 дар асоси дастуру супоришҳои Ҳукумати Ҷумҳурии Тоҷикистон, Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон, Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, мақомоти иҷроияи ҳокимияти давлатии вилояти Хатлон ба роҳ монда, дар доираи имкониятҳои мавҷуда дар ин давра як қатор корҳои назаррасро ба анҷом расонидааст.
Дар вилояти Хатлон шумораи умумии муассисаҳои тандурустӣ 1668 адад, аз ҷумла муассисаҳои вилоятӣ 52 адад, марказҳои махсусгардонидашуда бо статсионар 33 адад, амбулаторӣ 11 адад, марказҳои методӣ 158 адад, беморхонаҳои марказии шаҳру ноҳияҳо 24 адад, беморхонаҳои рақамӣ (минтақавӣ) 58 адад, марказҳои саломатии ноҳиявӣ 22 адад, марказҳои саломатии деҳот 369 адад ва бунгоҳҳои тиббӣ 709 адад мебошанд.
Ҳамзамон, бояд гуфт, ки шумораи умумии кормандони соҳаи тиб дар вилоят 35 ҳазору 457 нафарро ташкил намуда, дар вилоят ду нафар доктор ва 24 номзадҳои илми тиб фаъолият мекунанд.
Давоми соли 2020 дар вилоят 411 нафар табибон ва 1812 нафар ҳамшираҳои тиб аз курсҳои такмили ихтисос гузаштанд. Инчунин, баъди хатми курси таҷрибаомӯзи (интернатура) хатмкунандагони солҳои 2018-2019 189 нафар ба муассисаҳои тандурустии шаҳру ноҳияҳои вилоят бо кор таъмин карда шуданд.