Имрӯзҳо ба ифтихори ҷашни бузурги миллӣ-30-солагии Истиқлолияти давлатии Ҷумҳурии Тоҷикистон сохтмони муассисаҳои тандурустӣ дар тамоми гӯшаву канори мамлакат босуръат идома дорад.
17 майи соли равон дар деҳаи Арҷинаки Болои ҷамоати деҳоти Хонақоҳи Куҳии шаҳри Ҳисор аз ҷониби ташкилоти хайриявии Тоҷикистон як бунгоҳи тиббии замонавӣ иборат аз 3 ҳеҷра ба истифода дода шуд.
Тавре иттилоъ дода шуд, бунгоҳи тиббии мазкур ба 60 хоҷагӣ ва 364 нафар аҳолии ҷамоати деҳоти мазкур хизмат хоҳад расонид.
Маврид ба зикр аст, ки ҷиҳати беҳтар намудани сатҳ ва сифати хизматрасонии тиббӣ ба аҳолӣ, бунёд, азнавсозӣ ва таъмиру тармими муассисаҳои тандурустӣ дар тамоми гӯшаву канори мамлакат бомаром идома дорад.
Маҳз давоми солҳои соҳибистиқлолии мамлакат дар партави таваҷҷуҳ ва дастгириҳои хосаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон рушди соҳаи тандурустӣ дар тамоми гӯшаву канори мамлакат таъмин гардида, баҳри таъмини солимии аҳолӣ заминаи мусоид фароҳам оварда шуд.