Бо мақсади таъмини сатҳи сиҳатии сокинон ва пешгирии гирифторшавии аҳолӣ ба маризиву бемориҳои мухталиф, инчунин баланд бардоштани фарҳанги тиббии ҷомеа бо дастур ва супориши ҳукумати мамлакат 28 августи соли равон “Корвони саломати”-и Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба шаҳру ноҳияҳои Вилояти Мухтори Куҳистони Бадахшон сафарбар карда шуд.
Аз рӯи барнома “Корвони саломатӣ” то ба санаи 31 август ба аҳолии вилоят хизмати ройгони тиббӣ мерасонад.
Дар чорабинии мазкур сармутахассисони соҳавии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, роҳбарони муассисаҳои тиббии ҷумҳуриявӣ, устодони баландпояи муассисаҳои олии таълимии тиббии ҷумҳуриявӣ ва дигар мутахассисони ботаҷрибаи муассисаҳои ташхисиву табобатӣ сафарбар карда шудаанд.