Субҳи имрӯз дар толори маҷлисии бинои Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, ҷаласаи назоратии назди вазири тандурустӣ ва ҳифзи иҷтимоии аҳолии Ҷумҳурии Тоҷикистон баргузор гардид.
Ҷаласаи зикргардида дар доираи ҷамъбасти фаъолияти Агентии давлатии ҳифзи иҷтимоии аҳолии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар 9 моҳи соли 2018 ва татбиқи нақшаи кории минбаъдаи соҳа сурат гирифт.
Ҷаласаи мазкур бо ҳузури Насим Олимзода, вазири тандурустӣ ва ҳифзи иҷтимоии аҳолии Ҷумҳурии Тоҷикистон баргузор гардида, дар кори он Директори Агентии давлатии ҳифзи иҷтимоии аҳолии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Холзода Абдулҳаким Қувват, сардорони муассисаҳои зертобеи Агентии давлатии ҳифзи иҷтимоии аҳолӣ иштрок намуданд.
Дар рафти баргузории ҷаласаи ҷамъбастӣ 3 масъалаи аслӣ мавриди баррасӣ ва таҳлилу муҳокима қарор дода шуд:
- Дар бораи ҷамъбасти фаъолияти Агентии давлатии ҳифзи иҷтимоии аҳолии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар 9 моҳи соли 2018 ва вазифаҳо то охири соли 2018.
- Оид ба рафти иҷрои қарори Ҳукумати Ҷумҳурии Тоҷикистон аз 27 марти соли 2018 “Дар бораи саривақт омода намудани соҳаҳои иқтисодиёт ва иҷтимоиёти ҷумҳурӣ барои фаъолияти мунтазам ва самарабахш дар давраи тирамоҳу зимистони солҳои 2018-2019”.
- Рафти таъини маълағгузорӣ ва пардохти ҷубронпулӣ ва кӯмакпулиҳо ба оилаҳо ва шаҳрвандони камбизоат.
Баъд аз ҷаласаи назоратии назди вазири тандурустӣ ва ҳифзи иҷтимоии аҳолии Ҷумҳурии Тоҷикистон, вобаста ба ҷамъбасти фаъолияти Агентии давлатии ҳифзи иҷтимоии аҳолии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дар 9 моҳи соли 2018 ва татбиқи нақшаи кории минбаъдаи соҳа, зери роҳбарии Директори Агентии давлатии ҳифзи иҷтимоии аҳолии Вазорати тандурустӣ ва ҳифзи иҷтимоии аҳолии Ҷумҳурии Тоҷикистон Холзода Абдулҳаким Қувват ҷаласаи ҷамъбастии фаъолияти ин ниҳод дар 9 моҳи соли равон ва нақшаҳо барои минбаъда доир карда шуд.
Дар ҷаласаи мазкур роҳбарият ва намояндагони кулли муассисаҳои зертобеи Агентии давлатии ҳифзи иҷтимоии аҳолӣ ишриток намуданд.
Дар рафти баргузории ҷорабинӣ се масъалаи дар боло зиргардида, мавриди омӯзиш қарор гирифта, ҳамзамон риояи интизоми меҳнат, пешгирии ҳодисаҳои номатлуби коррупсионӣ, техникаи бехатарӣ ва чорабиниҳои зиддисухторӣ, корҳои ободониву созандагӣ, риояи вазъи меъёрҳои санитарию эпидемиологӣ ва хурока, нигоҳдорӣ ва истифодабарии маводҳои доруворӣ, маводҳои безараргардонӣ, ҷамъовари намудани маводҳои шифобахш аз масъалаҳои дигаре буданд, ки дар рафти баргузории ҷаласаи мазкур мавриди муҳокима қарор гирифтанд.