Муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Шодихон Ҷамшед аз Маркази саломатии шаҳрии №15 боздид ба амал овард.
Ҳамзамон, муовини вазири тандурустӣ ва ҳифзи иҷтимоии аҳолии мамлакат Шодихон Ҷамшед дар маркази мазкур зимни вохурӣ бо кормандони он масъалаҳои назорати бемороне, ки дар қайди ин маркази саломатӣ қарор дошта, дар хона табобат мегиранд, таъмини беморон бо маводҳои тиббӣ, саривақт расонидани ёрии тиббӣ ба шаҳрвандон ва дигар масъалаҳоро мавриди баррасӣ қарор дод.
Зикр намудан ба маврид аст, ки роҳбарияти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон бо мақсади назоратв ва боз ҳам беҳтар намудани хизматрасонии тиббӣ ба шаҳрвандон гаштҳои шабона ва рӯзонаро ба муассисаҳои тандурустии мамлакат ба роҳ мондааст.