Чорабинии иттилоотиву адвокатсионии “Аз нияту воқеият то хотимаи сил”

Чорабинии иттилоотиву адвокатсионии “Аз нияту воқеият то хотимаи сил”
Август 25
13:44 2023

Ассотсиатсияи “Ҳамкории боздошти сил дар Тоҷикистон” ҳамчун шабакаи ташкилотҳои ҷамъиятӣ ва ҷомеаи аз сил осебдида барои муаррифии ҳисоботи “Фарқияти марговар, нашри 2” (Deadly Divide 2.0) ва баррасии омодагиҳо ба Вохӯрии сатҳи баланди СММ дар мавзуи бемории сил 2023 рӯзи 25-уми августи соли 2023 дар саҳни меҳмонхонаи “Ҳилтон”-и шаҳри Душанбе чорабинии иттилоотиву адвокатсиониеро таҳти унвони “Аз нияту воқеият то хотимаи сил” баргузор намуд.

Ин ҳисобот дар асоси таҷрибаи шахсии беш аз 1000 нафар шахси аз сил осебдида аз 92 кишвари ҷаҳон, ки бевосита аз ин беморӣ осеб дидаанд ва кӯшиш доранд, то ҷомеаи ҷаҳониро ба ҳалли ин масъала ҷалб кунанд, омода шудааст. Дар ҳисобот дастовардҳо аз рӯи як қатор уҳдадориҳое, ки роҳбарони кишварҳои ҷаҳон дар Вохӯрии сатҳи баланди СММ дар мавзуи сил дар соли 2018 бар дӯш гирифта буданд, таҳлил гардидааст.

Дар расми рӯнамоии ҳисобот Абдухолиқ Амирзода, муовини вазири тандурустӣ ва ҳифзи иҷтимоии аҳолӣ, Ҷамшед Муртазозода, вакили Маҷлиси намояндагони Маҷлиси Олӣ, раиси Анҷумани миллии сил, Зиёвуддин Авғонов, котиби масъули Кумитаи миллии ҳамоҳангсозии мубориза бар зидди бемориҳои пайдошудаи норасоии масуният, сил ва вараҷа, Сафаралӣ Наимов, директори иҷроияи Ассотсиатсияи “Ҳамкории боздошти сил дар Тоҷикистон” ва тариқи паёмҳои видеоӣ Лучика Дитию, директори иҷрояи ‘Stop TB Partnership’ (Женева) ва Ҷеймс Малар, мутахассиси шуъбаи дастгирии кишварҳо ва ҷомеаҳо барои таъсиргузорӣ дар ‘Stop TB Partnership’ (Женева) суханронӣ карданд.

Иштирокчиёни чорабинӣ дар суханрониҳои худ бори дигар зарурати ҷоннок намудани кӯшишҳои муштаракро бо ҷалби тамоми сохторҳои дахлдор  барои расидан ба ҳадафи олӣ, барҳам додани сил дар Тоҷикистону ҷаҳон зикр намуданд.

Дар муаррифии ин ҳисобот, инчунин намояндагони ҷомеаи аз сил осебдида ва ташкилотҳои ҷамъиятии дар самти мубориза бо бемории сил фаъолияткунанда аз тамоми ҷумҳурӣ ширкат намуданд.

Дигар Хабарҳо

Ҳифзи тандурустии аҳолӣ яке аз самтҳои афзалиятноки сиёсати иҷтимоии давлат ва Ҳукумати Ҷумҳурии Тоҷикистон мебошад

Кодекси тандурустии Ҷумҳурии Тоҷикистон

Табассум Солимии Равонӣ

Абуали ибни Сино

Гузориши видеоӣ

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон рамзи «Соли рушди деҳот, сайёҳӣ ва ҳунарҳои мардумӣ»-ро бо мақсади муаррифии ҳамаҷонибаи иқдоми мазкур тасдиқ намуданд.

Лоиҳаҳои иншоотҳои намунавӣ

Календар

Апрел 2024
Д С Ч П Ҷ Ш Я
« மார்ச்    
1234567
891011121314
15161718192021
22232425262728
2930  

Саволнома

Шумораи хонандагон

  • 1
  • 289
  • 638
  • 861,540