Ғизои мактабии Тоҷикистон дар ҷаҳон беҳтарин эътироф гардид!

Июн 05
10:31 2017

Бино ба маълумоти «Thomson Reuters Foundation» Барномаи ҷаҳонии озуқавории СММ маҷмуаи тавсияҳои хӯроки нисфирӯзии мактаббачагони Тоҷикистонро дар ҷаҳон беҳтарин эътироф кард.

Маҷмуаи ошпазӣ дар ҷоизаи бонуфузи ҷаҳонии «Gourmand World Cookbook Awards», ки шабеҳи «Оскар» аст, дар байни маҷмуаҳои ошпазӣ баҳои баланд гирифт. Маросими ҷоизасупорӣ дар Янтаи Чин баргузор гардид. Дар мусобиқа намояндагони беш аз 200 кишвари дунё ширкат варзиданд.

Илова бар ин, маҷмуаи тавсияҳои хӯроки нисфирӯзии мактаббачагони Тоҷикистон дар табақабандии «Амнияти озуқаворӣ» соҳиби мақоми аввал ва мукофоти махсуси доварони мусобиқа шуд.

Маҷмуа соли 2016 дар ҳамкорӣ бо Вазорати тандурустӣ ва ҳифзи иҷтимоии аҳолии Ҷумҳурии Тоҷикистон, Вазорати маориф ва илми Ҷумҳурии Тоҷикистон ва Пажӯҳишгоҳи ғизои соҳавии Федератсияи Россия ба табъ расид.

«Ин эътирофи муҳим ва дастоварди барҷаста барои Барномаи ҷаҳонии озуқавории (БҶО) дар Тоҷикистон мебошад. Умедворем, ки ин маҷмуа, ки дорои тавсияҳои ғизои солим мебошад, ба рушди устувори низоми ғизои мактабӣ дар Тоҷикистон саҳми худро мегузорад», — изҳор дошт директори БҶО дар Тоҷикистон Паоло Маттей.

Дар 200 саҳифаи маҷмуа тавсияҳои беш аз 127 намуд таомҳои анъанавии тоҷикӣ дарҷ шудаанд, ки онҳоро метавон аз маҳсулотҳои дастрас ва маъмулӣ омода кард.

Барномаи ҷаҳонии озуқаворӣ (БҶО) — калонтарин ташкилоти гуманитарӣ дар ҷаҳон аст, ки ҳамасола беш аз 4 миллион маҳсулоти озуқавориро таъмин мекунад. БҶО соли 1963 ҳамчун мақомоти кумаки озуқаворӣ дар низоми СММ барои расонидани ёрӣ ба кишварҳои рушдкунанда таъсис ёфтааст.

БҶО дар Тоҷикистон барномаи таъмини 370 ҳазор мактаб бо хӯроки гарми нисфирӯзии ҳамарӯзаро татбиқ менамояд.

Ғизои мактабӣ аз рӯи низоми БҶО СММ одатан фарогири наҳорӣ, хӯроки нисфирӯзӣ ё кулчақандҳои серғизост, ки ҳамарӯза ба хонандагони макотиб дода мешавад.

Дигар Хабарҳо

Ҳифзи тандурустии аҳолӣ яке аз самтҳои афзалиятноки сиёсати иҷтимоии давлат ва Ҳукумати Ҷумҳурии Тоҷикистон мебошад

Кодекси тандурустии Ҷумҳурии Тоҷикистон

Табассум Солимии Равонӣ

Абуали ибни Сино

Гузориши видеоӣ

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон рамзи «Соли рушди деҳот, сайёҳӣ ва ҳунарҳои мардумӣ»-ро бо мақсади муаррифии ҳамаҷонибаи иқдоми мазкур тасдиқ намуданд.

Лоиҳаҳои иншоотҳои намунавӣ

Календар

Апрел 2024
Д С Ч П Ҷ Ш Я
« மார்ச்    
1234567
891011121314
15161718192021
22232425262728
2930  

Саволнома

Шумораи хонандагон

  • 1
  • 205
  • 579
  • 862,685