Муроҷиатномаи Раҷаббой Аҳмадзода вобаста ба масъалаҳои пешгирӣ аз интиқолу паҳншавии бемории сироятии COVID – 19

Муроҷиатномаи Раҷаббой Аҳмадзода вобаста ба масъалаҳои пешгирӣ аз интиқолу паҳншавии бемории сироятии COVID – 19
Июн 22
16:40 2020

Ҳамдиёрони азиз!

Бо назардошти ба эътидол омадани вазъияти паҳншавӣ ва интиқоли бемории сироятии коронавирус, тибқи қарори ҷаласаи Ситоди ҷумҳуриявӣ аз санаи 17-уми июни соли равон, оид ба пурзӯр намудани чораҳои зиддиэпидемиявӣ ва пешгирӣ аз интиқолу паҳншавии бемории сироятии COVID – 19 аз 20-уми июни соли 2020 дар ҷумҳурӣ барои гузаронидани тӯйи хонадоршавӣ муваққатан дар доираи то сад нафар даъватшуда ва танҳо як маърака дар маҳалли истиқомат ё дигар муассисаҳои хизматрасонӣ, аз ҷумла тарабхонаю ошхонаҳо, тӯйхона ва чойхона бо риояи ҳатмии қоидаҳои санитарию гигиенӣ иҷозат дода мешавад.

Аз ин лиҳоз, аз ҳамаи шаҳрвандон ва соҳибони тӯю маърака, марказҳои хизматрасонӣ, аз ҷумла соҳибони тӯйхонаҳо, тарабхона, ошхона ва макони баргузории он дар хонаҳои истиқоматӣ хоҳиш карда мешавад, ки ҳангоми баргузории тӯю маърака, гаштугузор дар бозорҳо, боғҳои истироҳатӣ, хиёбонҳо ва макони сайругашт бояд қоидаҳои беҳдоштӣ ва зиддисироятӣ, инчунин талаботи муқарраргардидаро қатъиян риоя кунанд, ҳатман масофаро риоя карда, аз ниқоб ва маводи антисептикӣ истифода намоянд.

Соҳибони тӯйхонаю тарабхона ва марказҳои хизматрасониро зарур аст, ки барои таъмини саломатии шаҳрвандон тамоми чораҳои зарурии беҳдоштиро фароҳам оварданд.

Боварии комил дорам, ки мардуми шарифи вилоят вазъияти баамаломадаро бо камоли масъулият дарк намуда, қоидаҳои аз ҷониби мақомоти салоҳиятдор муқарраршударо риоя менамоянд ва бо анҷом додани корҳои безараргардонӣ ҷиҳати пешгирии хуруҷи беморӣ тадбирҳои таъхирнопазир меандешанд.

Раиси вилоят  Раҷаббой Аҳмадзода

Дигар Хабарҳо

Ҳифзи тандурустии аҳолӣ яке аз самтҳои афзалиятноки сиёсати иҷтимоии давлат ва Ҳукумати Ҷумҳурии Тоҷикистон мебошад

Кодекси тандурустии Ҷумҳурии Тоҷикистон

Табассум Солимии Равонӣ

Абуали ибни Сино

Гузориши видеоӣ

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон рамзи «Соли рушди деҳот, сайёҳӣ ва ҳунарҳои мардумӣ»-ро бо мақсади муаррифии ҳамаҷонибаи иқдоми мазкур тасдиқ намуданд.

Лоиҳаҳои иншоотҳои намунавӣ

Календар

Май 2024
Д С Ч П Ҷ Ш Я
« ஏப்    
 12345
6789101112
13141516171819
20212223242526
2728293031  

Саволнома

Шумораи хонандагон

  • 1
  • 725
  • 1,151
  • 886,101