Таҷлили бошукӯҳи Рӯзи кормандони соҳаи тиб дар шаҳри Хуҷанд

Таҷлили бошукӯҳи Рӯзи кормандони соҳаи тиб дар шаҳри Хуҷанд
Август 15
14:43 2020

Дар Амфитеатри Боғи Абумаҳмуди Хуҷандӣ бахшида ба Рўзи кормандони соҳаи тиб чорабинии тантанавӣ баргузор гардид.

Сармутахассиси Раёсати тандурустии вилоят Аҳрор Акбаров номаи табрикотии Раиси вилояти Суғд Раҷаббой Аҳмадзодаро ба самъи ҳозирин расонд.

Сипас, Раиси шаҳри Хуҷанд Маъруф Муҳаммадзода табибони ҳозиқро бо Иди касбиашон табрику таҳният гуфта, аз ҷумла зикр дошт, ки Рўзи касбии кормандони тиб ҳамасола дар сатҳи баланд таҷлил мегардад, ки воқеан ба зодрўзи асосгузори тибби ҷаҳонӣ, алломаи бузурги беназири Машриқзамин Абўалӣ ибни Сино рост омада, нишони эътибори аҳли ҷомеа ба онҳоест, ки шабу рўз баҳри ҳифзи тандурустии мардум заҳмат мекашанд. Боиси ифтихор ва сарфарозист, ки имрўз ҳар як корманди соҳаи тандурустӣ бо тақозои касбу вазифа масъулияти худро дар хусуси он, ки бо таъкиди Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон – саломатӣ сарвати бебаҳосту сиҳатии ҷомеа солимии миллат аст, нағз дарк мекунанд.

Таъкид шуд, ки миллати тоҷик абармардоне чун Сино, Форобию, Рўдакӣ ва дигар бузургонро дорад. Абуали ибни Сино дар замонаш барои табобати душвортарин бемориҳо даст ёфтааст ва роҳи ҳалли муаммоҳои сарбастаро пайдо кардааст, ки минбаъд кору пайкораш, натиҷаи амалҳояш барои тибби ҷаҳон чун дастур кор бурда мешавад. Пизишкон дар замони бемории ҳамагири коронавирус бори дигар исбот карданд, ки дар касби худ содиқанду воқеан ворисони арзандаи Сино мебошанд. Дар давраҳои мушкилтарин дар паҳлўи беморон қарор гирифта, тавонистанд ҷони ҳазорҳо нафарро аз марг наҷот диҳанд. Бо соҳибтаҷрибагӣ, донишу фаҳмиш ва усулҳои вижа ҷони хешро ба хатар гузоштанд ва барои ҷони беморонро наҷот додан сипар буданд. Эҳсос мешуд, ки тамоми амалҳояшон бо эҳсоси баланди ватандўстию инсондўстӣ анҷом дода мешуд. Дарк карда мешуд, ки гўё волидайн, додар ё хоҳари худро аз ин вабо наҷот медиҳанд. Дар ин маврид метавон пизишкон, табибонро аскару афсар номид. Тибқи дастуру супоришҳои Асосгузори сулҳу ваҳдати миллӣ-Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ва нишондодҳои Раиси вилояти Суғд Раҷаббой Аҳмадзода ҷиҳати пешгирии паҳншавии ин бемории сироятии пандемияи коронавирус Ковид-19 тамоми тадбирҳои зарурӣ сари вақт андешида шуда истодааст. Аз ин хотир давлату ҳукумат ҳамеша ба рушди соҳаи нигаҳдории тандурустӣ, таъмини шароити моддию маънавии коркунони тиб назари неку ояндабинона доранд ва ба рушди соҳа пайваста ғамхорӣ зоҳир менамоянд. Тавре Асосгузори сулҳу ваҳдати миллӣ – Пешвои миллат, Президенти Ҷумҳурии Тоҷикистон, муҳтарам Эмомалӣ Раҳмон дар баромадҳояшон таъкид доштанд: «Ҳукумати мамлакат тамоми чораҳоро андешида истодааст, ки рушди соҳаи тандурустӣ таъмин карда шавад ва сокинони мамлакат ба хизматрасонии босифат ва муосири тиббӣ дастрасӣ дошта бошанд».

Маъруф Муҳаммадзода гуфт, ки рушди бомаром ва ҳадафмандонаи соҳаи ҳифзи сиҳатии омма ҷиҳати баланд бардоштани сатҳу сифати хизматрасонии тиббӣ, ҷорӣ намудани усулҳои муосири табобат, тавсеаи шаклҳои мухталифи хизматрасонӣ ва таблиғи тарзи ҳаёти солим, шароити мусоид фароҳам меорад. Мусаллам аст, ки фаъолияти самаранок ва ҳадафмандонаи ташкилоту корхонаҳо, аз ҷумла муассисаҳои тиббии кишвар бидуни фароҳам овардани заминаи мусоиди моддиву техникӣ ғайриимкон аст. Ҳукумати мамлакат дар сиёсати иҷтимоии худ навсозиҳоро дар соҳаи тандурустӣ самти афзалиятнок арзёбӣ намуда, маблағгузориро ба ин соҳаи ҳаётан муҳим сол аз сол афзоиш дода, шароити инфрасохтори соҳаро ба талаботи замон мутобиқ гардонида истодааст. Айни ҳол тавассути амалӣ гардонидани тадбирҳои зарурӣ, дастрасии кўмакҳои аввалияи тиббию санитарӣ ба аҳолии кишвар беҳтар гашта, бунёди иншооти муосири тиббӣ ва таъмин намудани онҳо бо технологияҳои навтарини ташхису табобат бомаром идома дорад.

Иттилоъ дода шуд, ки дар ҳамаи муассисаҳои тиббии шаҳри Хуҷанд бо дастгирии бевоситаи Раиси вилояти Суғд Раҷаббой Аҳмадзода муҷаҳҳазгардонии таҷҳизоти муосири техникии тиббӣ бештар гашта, барои баланд бардоштани сатҳу сифати хизматрасонии тиббӣ ба аҳолӣ заминаи мусоид фароҳам оварда шуда истодааст. Илова бар ин, сол аз сол ҳаҷми солонаи маблағгузорӣ аз ҳисоби буҷети шаҳр дар доираи Барномаи дарозмуддати рушди соҳаи тандурустӣ зиёд гашта, дар давоми даҳ соли охир маблағгузорӣ ба ин соҳаи ҳаётан муҳим аз ҳисоби буҷети маҳаллии шаҳр – 6,2 маротиба афзуда, он аз 7,8 млн. сомонии соли 2009 то ба 48,7 млн. сомонӣ дар соли 2019 расонида шуд. Айни ҳол дар шаҳри Хуҷанд 16 муассисаҳои тиббӣ, аз ҷумла 1 таваллудхона, 3 беморхона, 6 марказҳои саломатӣ, стансияи ёрии таъҷилӣ, дармонгоҳи стоматологии бачагона, маркази мубориза бар зидди бемории сил, муассисаи давлатии “Маркази дастгирии оила ва кўдак”, Маркази ташаккули тарзи ҳаёти солим ва Маркази назорати давлатии санитарию эпидемиологӣ фаъолият дошта, дар онҳо беш аз 2236 нафар кормандони соҳаи тиб адои вазифа доранд. Аз шумораи умумии табибон бо дараҷаи олӣ 299 нафар, дараҷаи якум 57 нафар ва дараҷаи дуюм 19 нафар буда, 41 нафар бо унвони Аълочии тандурустии Ҷумҳурии Тоҷикистон, 16 нафар бо унвони Номзади илмҳои тиб, 6 нафар бо унвони Корманди шоистаи Ҷумҳурии Тоҷикистон, 7 нафар дорандаи Медали “Шафқат” ва 3 нафар проффессор фаъолият доранд, ки боиси ифтихор ва сарфарозии мо мебошад.

Шаҳрдор вобаста ба нақша-чорабиниҳои шаҳрӣ оид ба корҳои ободонию бунёдкорӣ ба муносибати 30-солагии Истиқлолияти давлатии Ҷумҳурии Тоҷикистон иттилоъ дода аз ҷумла афзуд, ки дар соҳаи тандурустӣ дар маҷмўъ сохтмон ва таъмиру азнавсозии 10 адад муассисаҳои тандурустӣ ва марказҳои табобатию ташхисӣ ба нақша гирифта шуда, қисме аз онҳо аллакай ба истифода дода шуданд. Аз ҷумла, соли ҷорӣ ифтитоҳи бинои 4-ошёнаи Маркази ташхисию табобатии соҳибкор Хайрӣ Ваҳобова барои 15-кат ва бо 20 ҷойи корӣ дар кўчаи 30-солагии Ғалабаи маҳаллаи Навбаҳор бевосита бо иштироки Пешвои муаззами миллат, муҳтарам Эмомалӣ Раҳмон мавриди баҳрабардорӣ қарор дода шуд. Илова бар ин, дар доираи нақшаи чорабиниҳои шаҳрӣ оид ба корҳои ободонию бунёдкорӣ ба муносибати 30-солагии Истиқлолияти давлатии Ҷумҳурии Тоxикистон сохтмони бинои нави Маркази бемориҳои дил ва ҷарроҳии дилу рагҳои вилояти Суғд барои 200 кат дар хиёбони ба номи Раҳмон Набиев дар шаҳри Хуҷанд дар марҳилаи анҷомёбӣ қарор дошта, рўзҳои наздик мавриди ифтитоҳ қарор дода хоҳад шуд.

Изҳори умедворӣ карда шуд, ки ҷавобан ба ғамхориҳои давлату Ҳукумати кишвар, кормандони соҳаи тандурустии шаҳр барои баланд бардоштани дараҷаи хизматрасонии тиббӣ ва ба ҳаёт татбиқ намудани тарзу усулҳои нав ба нави муолиҷа, пешгирии интишори бемориҳои сироятӣ ва мустаҳкам гардонидани саломатии аҳолӣ кўшиш ба харҷ дода, ҷашни 30-солагии Истиқлолияти давлатии Ҷумҳурии Тоҷикистонро бо дастовардҳои назаррас пешвоз мегиранд.

Сипас дар вазъияти тантанавӣ ба 80 нафар кормандони соҳаи тандурустӣ туҳфа ба сипосномаҳои Раиси шаҳри Хуҷанд тақдим карда шуд.

Дигар Хабарҳо

Ҳифзи тандурустии аҳолӣ яке аз самтҳои афзалиятноки сиёсати иҷтимоии давлат ва Ҳукумати Ҷумҳурии Тоҷикистон мебошад

Кодекси тандурустии Ҷумҳурии Тоҷикистон

Табассум Солимии Равонӣ

Абуали ибни Сино

Гузориши видеоӣ

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон рамзи «Соли рушди деҳот, сайёҳӣ ва ҳунарҳои мардумӣ»-ро бо мақсади муаррифии ҳамаҷонибаи иқдоми мазкур тасдиқ намуданд.

Лоиҳаҳои иншоотҳои намунавӣ

Календар

Май 2024
Д С Ч П Ҷ Ш Я
« ஏப்    
 12345
6789101112
13141516171819
20212223242526
2728293031  

Саволнома

Шумораи хонандагон

  • 7
  • 73
  • 1,058
  • 888,485