ҲУНАРПЕШАИ ХАЛҚИИ ТОҶИКИСТОН МАРЯМ ИСОЕВА ТАҲТИ НАЗОРАТИ ТАБИБОН ҚАРОР ДОРАД

ҲУНАРПЕШАИ ХАЛҚИИ ТОҶИКИСТОН МАРЯМ ИСОЕВА ТАҲТИ НАЗОРАТИ ТАБИБОН ҚАРОР ДОРАД
Июл 10
20:23 2021

Имрӯз, 10 июли соли равон дар сомонаҳои интернетӣ вобаста ба вазъи саломатӣ ва ҳамчунин сатҳи хизматрасонии тиббӣ ба Ҳунарпешаи халқии Тоҷикистон Марям Исоева ки дар Беморхонаи клиникии шаҳрии бемориҳои сироятии шаҳри Душанбе бо нишонаҳои бемории коронавирус бистарӣ шудааст, хабарҳо ба нашр расиданд, ки гӯё табибон нисбат ба назорати номбурда хунукназарона рафтор менамудаанд.

Бо мақсади шиносоӣ бо вазъи саломатии ҳунарманд бегоҳии имрӯз тибқи супориши бевоситаи вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода муовини вазир Шодихон Ҷамшед ба беморхонаи мазкур ташриф овард.

Муовини вазири тандурустии мамлакатро д.и.т. профессори кафедраи бемориҳои сироятииДДТТ ба номи Абӯали ибни Сино Раҳмонов Э.Р, роҳбарияти Беморхонаи клиникии шаҳрии бемориҳои сироятии ш.Душанбе, сартабиб Ҳабибзода Х. Х ҳамроҳӣ намуданд.

Дар ҷараёни боздид муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Шодихон Ҷамшед нахуст аз рафти фаъолияти беморхонаи мазкур дар мавсими табобати гирифторони бемории сироятии CVОID-19 боздид ба амал овард.

Дар идома Шодихон Ҷамшед дар шӯъбаҳои табобатии беморхонаи мазкур аз аҳволи беморон, махсусан бо рафти табобати Марям Исоева, Ҳунарпешаи халқии Тоҷикистон, ки бо нишонаҳои сирояти короновирус бистарӣ гардидааст, шинос шуда, бо номбурда суҳбати озоду ошкоро анҷом дод.

Маълум гардид, ки барои Ҳунарпешаи халқии Тоҷикистон Марям Исоева як ҳуҷраи алоҳида ҷудо гардида, номбурда пурра зери назорати табибон, махсусан таҳти назорати профессор Раҳмонов Э. Р ва сартабиби беморхона Ҳабибзода Х.Х қарор дорад.

Ҳамзамон, дар рафти аёдати беморон муовини вазир бо роҳбарият ва табибони беморхона оид ба табобати босифат ва одобу муошират бо беморон, суҳбати муфид гузаронид.

Дигар Хабарҳо

Ҳифзи тандурустии аҳолӣ яке аз самтҳои афзалиятноки сиёсати иҷтимоии давлат ва Ҳукумати Ҷумҳурии Тоҷикистон мебошад

Кодекси тандурустии Ҷумҳурии Тоҷикистон

Табассум Солимии Равонӣ

Абуали ибни Сино

Гузориши видеоӣ

Асосгузори сулҳу ваҳдати миллӣ - Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон рамзи «Соли рушди деҳот, сайёҳӣ ва ҳунарҳои мардумӣ»-ро бо мақсади муаррифии ҳамаҷонибаи иқдоми мазкур тасдиқ намуданд.

Лоиҳаҳои иншоотҳои намунавӣ

Календар

Июл 2024
Д С Ч П Ҷ Ш Я
« ஜூன்    
1234567
891011121314
15161718192021
22232425262728
293031  

Саволнома

Шумораи хонандагон

  • 8
  • 682
  • 1,103
  • 947,420