Вазорати тандурустӣ ва ҳифзи иҷтимоии аҳолии Ҷумҳурии Тоҷикистон

Чанде қабл бо мақсади баланд бардоштани сатҳи касбии мутахассисони соҳаи акушерӣ-гинекологӣ ва беҳтар намудани дастрасии хизматрасониҳои тиббӣ дар ноҳияҳои Ш.Шоҳин, Муъминобод, Ховалинг, Балҷувон, Темурмалик ва Н.Хусрав  чорабиниҳои таҳлиливу омузишӣ  таҳти унвони “Ёрии фаври акушерӣ”  баргузор гардид. Гуфта мешавад тадбири андешидашуда дар асоси Фармоиши Вазорати тандурустӣ ва ҳифзи иҷтимоии аҳолии Ҷумҳурии Тоҷикистон аз 16 марти соли 2017, №179 дар шуъбаҳои “Пажуҳишгоҳи акушерӣ, гинекологӣ ва перинатологии Тоҷикистон” оид ба расонидани ёрии фаврии акушерӣ ва ҷарроҳии буриши қайсарӣ сурат гирифт. Дар чорабиниҳо роҳу усулҳои ёрии фаври акушерӣ, мушкилот ва пайёмадҳои дар соҳа вуҷуддошта мавриди баррасӣ ва таҳлил қарор гирифт.