Имрӯз, 2 июни соли равон муовини якуми вазири тандурустӣ ва ҳифзи иҷтимоии аҳолии Ҷумҳурии Тоҷикистон Саида Умарзода бо Бахтгул Каррева, роҳбари навтаъйини Намояндагии доимии Бюрои минтақавии аврупоии Ташкилоти Умумиҷаҳонии Тандурустӣ дар Ҷумҳурии Тоҷикистон вохурӣ намуд.
Сараввал муовини якуми вазири тандурустӣ ва ҳифзи иҷтимоии аҳолии Ҷумҳурии Тоҷикистон Саида Умарзода Бахтгул Карреваро барои ба вазифаи роҳбари Намояндагии доимии Бюрои минтақавии аврупоии Ташкилоти Умумиҷаҳонии Тандурустӣ дар Ҷумҳурии Тоҷикистон таъйин гардиданаш табрик намуда, ба ӯ дар фаъолияти минбаъдааш барору комёбӣ орзу намуд.
Дар идомаи вохӯрӣ масъалаҳои ҳамкории вазорат бо ташкилоти мазкур мавриди баррасӣ қарор гирифта, ҷонибҳо ҳавасмандии хешро ҷиҳати боз ҳам густариш бахшидани ҳамкориҳои мутақобилан судманд иброз намуданд.
![](https://moh.tj/wp-content/uploads/2018/04/8678.jpg")
