Имрӯз, 11 августи соли равон Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода бо Сафири Ҳиндустон дар Ҷумҳурии Тоҷикистон Виранҷ Сингх вохурӣ намуд.
Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода аз ҳамкориҳои ду кишвар дар соҳаи тандурустӣ изҳори қаноатмандӣ намуда, иброз дошт, ки айни замон дар Тоҷикистон 120 ширкатҳои дорувории кишвари Ҳиндустон фаъолият менамоянд.
Виранҷ Сингх, Сафири кишвари Ҳиндустон дар навбати худ қайд намуд, ки кишвараш барои боз ҳам тавсеа бахшидани ҳамкориҳо дар соҳаи тандурустӣ бо Ҷумҳурии Тоҷикистон омода мебошад.
Дар охир ҷонибҳо ҷиҳати боз ҳам густариш додани ҳамкориҳо дар самтҳои гуногуни соҳаи тандурустӣ ҳавасмандии хешро иброз намуданд.