Бо мақсади пешгирии бемории каронавируси нави COVID-19 ва пурзӯр намудани корҳои фаҳмондадиҳӣ ҷиҳати пешгирии бемории мазкур дар байни аҳолӣ тибқи дастури роҳбарияти Мақомоти иҷроияи ҳокимияти давлатии шаҳри Душанбе ва Вазорати тандурустӣ ва ҳифзи иҷтимоии аҳолии Ҷумҳурии Тоҷикистон аз ҷониби аъзоёни Ташкилоти ҷамъиятии “Иттиҳоди табибони ҷавон” дар назди Вазорати тандурустӣ ва ҳифзи иҷтимоии аҳолии кишвар дар ҷойҳои серодами шаҳри Душанбе бо сокинон суҳбат-вохуриҳо доир гардида, ҳамзамон аксияи тақсимоти ройгони ниқоби тиббӣ сурат гирифт.
Чорабинии мазкур дар мавзеъҳои гуногуни шаҳри Душанбе, хосатан миёни истифодабарандагони нақлиёти ҷамъиятӣ сурат гирифт, ки дар рафти он аз ҳисоби табибони ҷавон ба аҳолӣ бобати зарурати истифодаи ҳатмии ниқоб дар ҷойҳои ҷамъиятӣ ва риояи талаботи ҳатмии қоидаҳои санитарӣ-эпидемиологӣ ҳамчун омили аслии пешгирӣ аз олудашавӣ ба бемории каронавируси COVID-19 суҳбату вохуриҳо доир гардид.
Дар рафти иқдоми пешгирифта зиёда аз 1000 адад ниқоби тиббӣ ба аҳолӣ тақдим карда шуда, чунин ташаббус аз ҷониби аъзоёни Ташкилоти ҷамъиятии “Иттиҳоди табибони ҷавон” ҳамарӯза дар ҷойҳои серодам гузаронида хоҳад шуд.