Май 14
08:02
2021
Тавре иттилоъ дорем, бо супориши бевоситаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон ҷиҳати ба ҷойҳои бехавф кӯчонидани шаҳрвандон ва муайян намудани хисороти расонидашуда дар пайи ба вуҷуд омадани сел дар дар вилояти Хатлон Ситоди корӣ таҳти роҳбарии Сарвазири мамлакат Қоҳир Расулзода таъсис дода шудааст.
Бояд гуфт, ки дар доираи Ситоди мазкур ва бо мақсади расонидани кӯмаки тиббӣ ба шаҳрвандон, хосатан ба осебдидагони ин офати табиӣ дар ноҳияи Кӯлоб аллакай нуқтаҳои ёрирасони тиббӣ таъсис дода шудаанд.
Вазири тандурусӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода ва муовини вазир Шодихон Ҷамшед аз нуқтаҳои хизматрасонии тиббӣ боздид ба амал оварда, баҳри иҷрои саривақтии муроҷиати шаҳрвандон дар самти расонидани кумаки аввалияи тиббӣ ба масъулин дастуру супоришҳои мушаххас доданд.
Бояд гуфт, ки нуқтаҳои ёрирасони тиббӣ пурра бо мавод ва таҷҳизоти тиббӣ таъмин буда, дар ҳолатҳои зарурӣ оҷилан ба муроҷиаткунандагон хизмати тиббӣ мерасонанд.
![](https://moh.tj/wp-content/uploads/2018/04/8678.jpg")
