Аз оғози маъракаи ваксинатсия бар зидди бемории COVID-19 то санаи 19 августи соли равон дар кишвар байни гурӯҳҳои мақсаднок 5 миллиону 312 ҳазору 807 нафар (94,9%) бо вояи якум, 5 миллиону 221 ҳазору 534 нафар (93,3%) бо ду воя ва 4 миллиону 927 ҳазору 758 нафар (88,0%) бо вояи сеюм бар зидди сирояти мазкур фаро гирифта шудаанд.
Дар ин росто, қайд кардан ба маврид аст, ки то имрӯз бо ташаббуси Ҳукумати Ҷумҳурии Тоҷикистон бо мақсади ба ваксинатсия бар зидди ин сироят фаро гирифтани шаҳрвандони мамлакат ба Тоҷикистон 18 миллиону 290 ҳазор воя ваксинаи зидди COVID-19 ворид гардидааст.
Бо назардошти вазъи мураккаби бемории COVID-19 дар як қатор кишварҳои минтақа, шурӯъ аз 16 августи соли равон даври чоруми маъракаи ваксинатсия бар зидди сирояти коронавирус дар миёни кормандони соҳаи тандурустии кишвар оғоз гардид, ки аллакай дар ин марҳила 36 ҳазору 635 кормандон ба ваксинатсия зидди бемории ҳамагир COVID-19 фаро гирифта шуданд.
![](https://moh.tj/wp-content/uploads/2018/04/8678.jpg")
