Мушоҳидаҳо нишон медиҳанд, ки дар баробари шифоёбии аксари беморони илтиҳоби шадиди шуш ва гумонбарони бемории сироятии коронавирус гаштугузори безарурат ва риоя нагардидани тавсияи табибон аз ҷониби сокинон афзуда истодааст. Бо мақсади пешгирии чунин омилҳо дар шаҳри Бӯстон тибқи ҷадвали баргузории корҳои тарғиботиву ташвиқотӣ вобаста ба пешгирии бемориҳои сироятӣ аз ҷумла коронавирус ҳамарӯза тадбирҳои зарурӣ андешида шуда истодааст.
Аз ҷумла дар шаҳр 11 гурӯҳи корӣ бо ҷалби масъулини шуъбаву бахшҳои Мақомоти иҷроияи ҳокимияти давлатии шаҳр, намояндагони фаъоли ҷавонон, занон, ходимони ҷамъиятӣ, табибони оилавӣ ва дигарон таъсис дода шуда, ҳамарӯза дар байни аҳолӣ корҳои фаҳмонидадиҳиро ба роҳ монда истодаанд.
Аз сокинони шаҳр ва меҳмонон даъват ба амал оварда мешавад, ки бе зарурат ва бе ниқобҳои тиббӣ гаштугузор накунанд.
![](https://moh.tj/wp-content/uploads/2018/04/8678.jpg")
