Июл 13
17:14
2020
Бо мақсади пешгирии бемории коронавируси нави COVID-19 имрӯз, 13 июли соли равон 14 тонна кӯмаки башардӯстонаи Ташкилоти умумиҷаҳонии тандурустӣ, ки аз мавод ва тафҷҳизоти тиббӣ иборат мебошанд, ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон дастрас карда шуданд.
Дар маросими қабули маводҳои мазкур дар фурудгоҳи байналмилалии шаҳри Душанбе муовини вазири тандурустӣ ва ҳифзи иҷтимоии аҳолии мамлакат Шодихон Ҷамшед ва намояндагони ТУТ дар Ҷумҳурии Тоҷикистон иштирок намуданд.
Маводҳои мазкур дар анборҳои махсуси Вазорати тандурустӣ ва ҳифзи иҷтимоии аҳолии Ҷумҳурии Тоҷикистон нигаҳдорӣ шуда, табқи талабот ба муассисаҳои тандурустии мамлакат тақсим карда мешаванд.