Вазорати тандурустӣ ва ҳифзи иҷтимоии аҳолии Ҷумҳурии Тоҷикистон

Санаи 27 майи соли равон дотсенти кафедраи физиологияи патологии Академияи тиббии Ижевски Русия Яковенко И.В ва ассисенти кафедраи  мазкур Фадеева Э.Е. ба Озмоишгоҳи марказии илмӣ–тадқиқотии Донишгоҳи давлатии тиббии Тоҷикистон ба номи Абӯалӣ ибни Сино ташриф оварда, аз фаъолияти бахшҳои морфология, ҷарроҳии эксперменталӣ ва биохимия, молеклярӣ-генетикӣ ва аз намудҳои ҳайвоноти озмоишӣ дидан намуданд.

Бино ба иттилои сомонаи донишгоҳи мазкур, меҳмонон бо шунавандагони курси такмили ихтисос ва ихтисосгирии аввалияи “Духтури таҳлилгар” суҳбат намуда, бо бахшҳои озмоишгоҳ ва бахши нигоҳдошти ҳайвоноти озмоишӣ (харгушҳо, мушҳои сафед, хукчаи баҳрӣ) шинос шуданд.

Меҳмонон, ки хостори ҳамкорӣ дар оянда шуданд, нақшаҳои ҳамкориҳои дуҷониба баррасӣ  гардиданд. Дар охири мулоқот ба меҳмонон китобча ва буклетҳо оид ба дастовардҳои  озмоишгоҳ тақдим карда шуданд.

Ёдовар мешавем, ки ташрифи олимону профессорон аз кишварҳои гуногуни дунё  ба Донишгоҳи давлатии тиббии Тоҷикистон ба номи Абӯалӣ ибни Сино ба ҳукми анъана даромадааст, ки он метавонад барои таҷрибаандӯзии устодону донишҷӯёни ин даргоҳ саҳми бориз гузорад.