Кормандони шӯъбаи назорати давлатии маводи ороишию гигиении Сарраёсати Хадамоти назорати давлатии тандурустӣ ва ҳифзи иҷтимоии аҳолӣ дар вилояти Суғд тайи 8 моҳи соли равон дар 118 мағозаю анбор ва дӯконҳои фурӯши маводи ороишию гигенӣ, ғизои кӯдакона ва обҳои минералии дорои хусусияти табобатию пешгирӣ дошта санҷиш гузарониданд.
Дар натиҷа аз 25 мағозаву дӯкон ва анборҳои зери санҷиш қарор гирифта 158 номгӯи маводҳои ороишию гигиении шубҳанокро барои муайян кардани таркибашон барои гузаронидани ташхис ба “Корхонаи воҳиди давлатии Экспертиза ва озмоиши маҳсулоти фарматсевтию тиббӣ” интиқол дода шуданд.
-Мутаассифона, бо вуҷуди пеш бурдани корҳои ташфиқотию тарғиботӣ ва пешгирии маҳсулоти пастсифати ороишию гигиенӣ ҳанӯз ҳам ҳолатҳои қонуншиканӣ аз ҷониби соҳибкорони алоҳида ба назар мерасад,-мегӯяд, сардори шӯъбаи мазкур Субҳиддин Ҳурматов.
Ҳамин тавр, аз 24 номгӯи маводҳои ороишию гигиении мӯҳлати истеъмолашон гузашта ва бе сертификати сифат ба миқдори 10590 кг дар партовгоҳи шаҳри Хуҷанд несту нобуд карда шуданд.