Бо мақсади беҳтар намудани дастрасии хизматрасонии тиббӣ ба кӯдакон, танзими заминаи ҳуқуқии татбиқи Қонуни Ҷумҳурии Тоҷикистон «Дар бораи танзими анъана ва ҷашну маросимҳо дар Ҷумҳурии Тоҷикистон» аз 28 августи соли 2017 таҳти №1461 фармоиши Вазорати тандурустӣ ва ҳифзи иҷтимоии аҳолии Ҷумҳурии Тоҷикистон аз 30 октябри соли 2018 таҳти №994 «Дар бораи ба танзим даровардани амалиёти хатна дар Ҷумҳурии Тоҷикистон» ба тасвиб расида, айни ҳол амалӣ шуда истодааст.
Бо мақсади татбиқи барномаи мазкур дар шабакаи муассисаҳои кӯмаки аввалияи тиббию санитарии шаҳру ноҳияҳои ҷумҳурӣ 693 ҳуҷраҳои махсусгардонидашудаи ҷарроҳӣ барои гузаронидани хатнаи кӯдакон ташкил гардида, соли 2019 ба 81231 нафар кӯдакон амалиёти хатна гузаронида шудааст.
Қобили зикр аст, ки айни замон масъалаи дар муассисаҳои тиббӣ анҷом додани хатнаи кӯдакон зери назорати махсуси роҳбарияти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон қарор дорад.
![](https://moh.tj/wp-content/uploads/2018/04/8678.jpg")
