27 январи соли равон вазири тандурустӣ ва ҳифзи иҷтимоии аҳолии Ҷумҳурии Тоҷикистон Насим Олимзода бо ҳайати Фонди глобалӣ дар Ҷумҳурии Тоҷикистон вохурӣ намуд.
Дар вохурӣ ҳамкориҳои дуҷонибаи мутақобилан судманди вазорат ва фонди мазкур мавриди муҳокима ва баррасӣ қарор гирифта, ҷонибҳо ҳавасмандии хешро ҷиҳати боз ҳам густариш додани ҳамкориҳо иброз намуданд.
Маврид ба зикр аст, ки Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва Фонди глобалӣ оид ба пешгирии бемориҳои сироятӣ, аз қабили вируси норасоии масунияти одам ва сил ҳамкорӣ дорад.
То имрӯз аз ҷониби Фонди глобалӣ дар Тоҷикистон ҷиҳати коҳиш додани шумораи гирифторони бемориҳои вируси норасоии масунияти одам ВИЧ/СПИД ва сил корҳои назаррас ба анҷом расонида шудаанд.
Ҳамзамон, ҳайати Фонди глобалӣ дар Ҷумҳурии Тоҷикистон бо намояндагони Ҳукумати Ҷумҳурии Тоҷикистон ва ташкилоту муассисаҳои дар самти пешгирии вируси норасоии масунияти одам ва сил фаъолияткунанда вохурӣ менамояд.
![](https://moh.tj/wp-content/uploads/2018/04/8678.jpg")
