Мутобиқи изҳороти Кумитаи давлатӣ оид ба масъалаҳои тандурустӣ дар Ҷумҳурии Мардумии Чин шумораи қурбоншудагони коронавирус то 563 нафар афзуда, 28 018 нафар сироят ёфтаанд, 1153 каси дигар аз беморхонаҳо рухсат дода шудаанд, иттилоъ медиҳад «РИА Новости».
Рӯзе қабл доир ба бемории беш аз 24 ҳазор нафар ва 490 фавтида расман хабар дода шуд.
«Ба ҳолати нимашаби 5 феврал ба Кумитаи давлатии масъалаҳои тандурустӣ аз 31 музофот ( ноҳия ва вилоятҳои тобеи марказ ) дар бораи 28 018 ҳолатҳои тасдиқшудаи коронавирус маълумот ба даст омад, ки аз он 3859 нафар дар ҳолати вазнин буда, 563 нафар фавтида, 1153 нафари дигар аз шифохона баромадаанд»,- омадааст дар изҳорот.
31 декабри соли 2019 ҳукуматдорони Чин ба ТУТ дар бораи паҳншавии илтиҳоби шуши номаълум дар музофоти Ухан хабар доданд. Коршиносон барангезандаи бемории коронавирусро 2019-nCoV муайян намуданд. Зиёда аз 190 нафар берун аз қаламрави кишвар гирифтори ин беморӣ шуда, яке аз онҳо ҳалок гаштааст. ТУТ хурӯҷи бемориро ҳамчун ҳодисаи дорои аҳамияти байналмилалӣ арзёбӣ намуд.
![](https://moh.tj/wp-content/uploads/2018/04/8678.jpg")
