Ҷиҳати боз ҳам густариш додани ҳамкориҳо барои мубориза бар зидди сирояти коронавирус имрӯз, 14 феврал вазири тандурустӣ ва ҳифзи иҷтимоии аҳолии Ҷумҳурии Тоҷикистон Насим Олимзода бо Сафири Фавқулодда ва Мухтори Ҷумҳурии Мардумии Чин дар Ҷумҳурии Тоҷикистон Лю Бин мулоқот намуд.
Насим Олимзода, вазири тандурустӣ ва ҳифзи иҷтимоии аҳолии Ҷумҳурии Тоҷикистон зимни суханронии хеш иброз намуд, ки Ҷумҳурии Тоҷикистон ҳамчун кишвари дӯсту бародар хостори ҳарчи зудтар аз байн бурдани сирояти коронавирус дар кишвари Чин мебошад.
Ҳамзамон, номбурда изҳори умедворӣ намуд, ки дар наздиктарин фурсат Ҷумҳурии Мардумии Чин барои аз байн бурдани сирояти коронавирус муваффақ хоҳад шуд.
Ҷонибҳо барои боз ҳам густариш додани ҳамкориҳо дар самти мубориза бар зидди сирояти коронавирус ҳавасмандии хешро иброз намуданд.