Бо мақсади пешгирии бемориҳои сироятӣ, аз ҷумла сирояти коронавирус дар Маркази назорати давлатии санитарию эпидемиологии вилояти Хатлон бо ташаббуси Сарраёсати Хадамоти назорати давлатии тандурустӣ ва ҳифзи иҷтимоии аҳолӣ дар вилояти Хатлон бо намояндагони муассисаҳои тибби хусусӣ ва ширкатҳои фармасевтии минтақаи Бохтари вилояти Хатлон вохурӣ баргузор гардид.
Қайд гардид, ки бо дастури бевоситаи Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон мӯҳтарам Эмомалӣ Раҳмон дар мамлакат ситоди ҷумҳуриявӣ вобаста ба пешгирии сирояти коронавирус таъсис ёфтааст.
Дар рафти вохӯрӣ мутахассисони сарраёсат вобаста ба таърихи коронавирус-2019-n CoV, роҳҳои гузариш ва қоидаҳои пешгирии он ба ҳозирин маълумот доданд.
Тавсия дода шуд, ки дар ҳолати мушоҳида намудани аломатҳои таби баланд, нафастангӣ ва ба ин монанд дар шаҳрвандон онҳоро ба шабакаҳои КАТС-и ҷои зисташон бистарӣ намудан зарур аст.
Дар анҷоми вохӯрӣ аз тарафи Сарраёсати Хадамоти назорати давлатии тандурустӣ ва ҳифзи иҷтимоии аҳолӣ дар вилояти Хатлон варақаҳои иттилооти вобаста ба пешгирии коронавирус-2019 -n CoV ба ҳозирин тақсим карда шуд.
![](https://moh.tj/wp-content/uploads/2018/04/8678.jpg")
