Дар доираи ҳамкорӣ бо Сафорати Федератсияи Россия дар Ҷумҳурии Тоҷикистон ва Ташкилоти умумиҷаҳонии тандурустӣ дар Ҷумҳурии Тоҷикистон имрӯз, 20 феврал аз ҷониби Федератсияи Россия ба Вазорати тандурустӣ ва ҳифзи иҷтимоии аҳолии Ҷумҳурии Тоҷикистон маводи доруворӣ ва лавозимоти ҷарроҳӣ тақдим карда шуд.
Дар маросими супоридани мавод ва лавозимоти зикршуда муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Мирҳамуддин Камолзода, Сафири Федератсияи Россия дар Ҷумҳурии Тоҷикистон Игор Лякин- Фролов, роҳбари Намояндагии доимии Бюрои минтақавии аврупоии Ташкилоти умумиҷаҳонии тандурустӣ дар Ҷумҳурии Тоҷикистон Галина Перфилева ва намояндагони ВАО иштирок намуданд.
Аснои суханронии хеш Мирҳамуддин Камолзода, муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон миннатдории роҳбарияти вазоратро ба Ҳукумати Федератсияи Россия ҷиҳати дастгирии пайвастаи соҳа баён намуд.
![](https://moh.tj/wp-content/uploads/2018/04/8678.jpg")
