Май 09
17:04
2020
Вазорати тандурустӣ ва ҳифзи иҷтимоии аҳолии Ҷумҳурии Тоҷикистон иттилоъ медиҳад, ки ба ҳолати шоми 9 май ҳамагӣ дар муассисаҳои табобатии кишвар 4738 нафар зери назорати табибон қарор дошта, дар як шабонарӯзи охир 90 нафар бо нишонаҳои коронавирус ба қайд гирифта шуда, дар умум то имрӯз дар мамлакат 612 нафар бо ташхиси сирояти коронавирус ошкор гардидаанд.
Бояд гуфт, ки дар як шабонарўзи охир 552 нафар пас аз гузаронидани ташхису муоина дар ҳолати қаноатбахш аз муассисаҳои табобатӣ ба хона ҷавоб дода шудаанд.
Ҳамзамон, дар як шабонарӯзи охир 6 ҳолати фавт дар байни беморон мушоҳида гардида, дар умум 20 нафар бо нишонаи ин беморӣ дар мамлакат фавтидаанд.