Тибқи супориши Вазири тандурустӣ ва ҳифзи иҷтимоии аҳолии Ҷумҳурии Тоҷикистон Ҷамолиддин Абдуллозода ва бо мақсади пешгирӣ, ташхис ва мубориза бо коронавируси нави COVID-19 шурӯъ аз имрӯз то 24 майи соли равон дар толори Муассисаи давлатии “Пажӯҳишгоҳи тиббии профилактикии Ҷумҳурии Тоҷикистон” даври омузишӣ ҷиҳати ташхиси коронавируси нав COVID-19 гузаронида мешавад.
Дар ҷаласа сармутахассиси вирусологии “Пажӯҳишгоҳи тиббии профилактикии Ҷумҳурии Тоҷикистон” профессор Тишкова Ф.М., муттахассиси озмоишии минтақавии USAID Байдуллоева З., мутахассисони соҳавӣ аз шаҳрҳои Душанбе, Кӯлоб, Бохтар ва Хуҷанд иштирок хоҳанд.
Дар даври омӯзишӣ аз ҷониби сармутахассиси вирусологии “Пажӯҳишгоҳи тиббии профилактикии Ҷумҳурии Тоҷикистон” профессор Тишкова Ф.М., ба ҳозирин вобаста ба ҳадафҳои асосии пешгирӣ, ташхис ва мубориза ба коронавируси нави COVID-19, инчунин, оид ба тарзи ташхис намудани бемории коронавируси нави COVID-19 маълумоти дода мешавад.
Ҳамзамон, дар ҷаласа аз ҷониби мутахассисони “Пажӯҳишгоҳи тиббии профилактикии Ҷумҳурии Тоҷикистон” маърӯза ва корҳои таҷрибавӣ пешниҳод гардида, атрофи онҳо аз ҷониби иштирокчиён муҳокимаронҳои судманд сурат хоҳанд гирифт.
Бояд қайд намуд, ки тайи рӯзҳои наздик дар шаҳрҳои Кӯлоб, Бохтар ва Хуҷанд озмоишгоҳҳои махсус ҷиҳати ташхис намудани мавҷудияти коронавируси нави COVID-19 барқарор карда мешаванд.
![](https://moh.tj/wp-content/uploads/2018/04/8678.jpg")
