Бо ташаббуси бевоситаи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва бо мақсади муайян намудани бемории сироятии коронавируси нави КОВИД-19 дар шаҳри Бохтари вилояти Хатлон имрӯз, 26 майи соли равон як ташхисгоҳи вирусологӣ ба фаъолият шурӯъ кард.
Бино ба гуфти Директори Маркази назорати давлатии санитарию эпидимиологии дар вилояти Хатлон Нурулло Бояков, ин ташхисгоҳ дар назди ташхисгоҳи Маркази назорати давлатии санитарию эпидемиологии вилояти Хатлон ба кор оғоз кард.
Нурулло Бояков ҳамчунин изҳор дошт, ки ташхисгоҳи мазкур имкони дар як шабонарӯз гузаронидани 150-200 таҳлилро дорад.
-Мутахассисони мо бо дастгирии як соҳибкори маҳаллӣ барои кор дар ин ташхисгоҳ аз курси махсуси омӯзишӣ дар Муассисаи давлатии “Пажӯҳишгоҳи тиббии профилактикии Ҷумҳурии Тоҷикистон” гузаштанд. Айни замон мутахассисони пажӯҳишгоҳи мазкур дар ин ташхисгоҳ ба мутахассисони мо тарзи усули гузаронидани таҳлилҳоро меомӯзанд,-афзуд ӯ.
Бояд қайд кард, ки чунин як ташхисгоҳи вирусологӣ барои муайянсозии бемории COVID-19 дар шаҳри Кӯлоб низ ба кор шурӯъ кард.
![](https://moh.tj/wp-content/uploads/2018/04/8678.jpg")
