Аз ҷониби Вазорати тандурустӣ ва ҳифзи иҷтимоии аҳолии Ҷумҳурии Тоҷикистон имрӯз, 29 майи соли равон ба Беморхонаи №2-и ҷамоати деҳоти Заргари ноҳияи Кушониёни вилояти Хатлон таҷҳизоти тиббӣ, маводҳои муҳофизатӣ, доруворӣ ва молҳои тиббӣ дастрас карда шуд.
Ҳамзамон, бо мақсади беҳтар намудани хизматрасонии тиббӣ ба аҳолӣ имрӯз ба Беморхонаи марказии шаҳрии шаҳри Бӯстони вилояти Суғд дастгоҳи нафасдиҳии сунъӣ, тамғаи “РО 6” ва мизи гинекологӣ барои қабули таваллуд дастрас гардид.
Маврид ба зикр аст, ки айни замон дар анборҳои махсуси Вазорати тандурустӣ ва ҳифзи иҷтимоии аҳолии Ҷумҳурии Тоҷикистон молу мавод ва таҷҳизоти тиббӣ ба таври кофӣ захира карда шуда, онҳо тибқи талабот ба муасссисаҳои тандурустии шаҳру ноҳияҳои мамлакат дастрас карда мешаванд.