Вазорати тандурустӣ ва ҳифзи иҷтимоии аҳолии Ҷумҳурии Тоҷикистон

(Дар акс ҷараёни рухсат шудани шаҳрвандон аз Маҷмааи тандурустии “Истиқлол”)

Пас аз шифо ёфтан рухсат шудани шаҳрвандони мамлакат  аз муассисаҳои тандурустӣ идома дорад.

Аз ҷумла имрӯз, 30 майи соли равон аз Маҷмааи тандурустии “Истиқлол”  31 нафар ва аз  “Беморхонаи клиникии шаҳрии бемориҳои сироятии кӯдакона”  наздики 30 нафар шаҳрвандон пас аз шифо ёфтан ба хонаҳояшон рухсат дода шуданд.

Рухсатшудагон дар навбати худ ба роҳбарияти Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ва роҳбарони муассисаҳои тандурустии мазкур ҷиҳати фароҳам овардани шароит ва имконоти мусоид изҳори сипосу миннатдорӣ баён намуданд.