3 июл дар партави дастури Ҳукумати Ҷумҳурии Тоҷикистон 776 шаҳрванди Ҷумҳурии Тоҷикистон, ки бинобар баста будани марзҳо дар гузаргоҳи «Жибек Жоли»-и сарҳади давлатии Ҷумҳурии Қазоқистон бо Ҷумҳурии Ӯзбекистон муваққатан дармонда буданд, бо нақлиёти автомобилӣ ба Ватан баргардонида шуданд. Дар ин бора АМИТ «Ховар» бо истинод ба Вазорати корҳои хориҷии Ҷумҳурии Тоҷикистон хабар медиҳад.
Иқдоми мазкур дар ҳамкорӣ бо мақомоти марбутаи Қазоқистону Ӯзбекистон, инчунин Намояндагии минтақавии Созмони байналмилалии муҳоҷират дар Осиёи Марказӣ амалӣ гардид.
Ҳамчунин 2 июли соли ҷорӣ 67 ва 3 июл тақрибан 70 шаҳрванди Ҷумҳурии Тоҷикистон тариқи гузаргоҳҳои «Дустӣ» ва “Фотеҳобод”-и сарҳади давлатии Тоҷикистон ба Ватан оварда шуданд.
АКС аз Намояндагии минтақавии Созмони байналмилалии муҳоҷират дар Осиёи Марказӣ
![](https://moh.tj/wp-content/uploads/2018/04/8678.jpg")
