Имрӯз, 4 июли соли равон бо мақсади иҷрои Муроҷиатномаи Ситоди ҷумҳуриявӣ оид ба пурзӯр намудани тадбирҳои зиддиэпидемиявӣ ва пешгирӣ аз паҳншавии сирояти коронавирус COVID-19 дар Ҷумҳурии Тоҷикистон вобаста ба риояи ҳатмии қоидаҳои гигиенаи шахсию ҷамъиятӣ, истифодаи ниқобҳои тиббӣ дар нақлиёт ва дигар ҷойҳои ҷамъиятӣ ва риояи фосилаи байни ҳамдигарӣ ба андозаи якуним то ду метр аз ҷониби кормандони Хадамоти назорати давлатии санитарию эпидемиологӣ дар як қатор муассисаҳои хизматрасонии шаҳри Душанбе корҳои фаҳмондадиҳӣ гузаронида шуд.
Аснои боздид аз якчанд муассисаҳои хизматрасонии пойтахт мутахассисони хадамоти мазкур бо кормандони онҳо ҷиҳати пешгирии бемории COVID-19 ва ҳамзамон риояи қоидаҳои гигиенаи шахсӣ ва ҷамъиятӣ корҳои фаҳмондадиҳӣ гузарониданд.
![](https://moh.tj/wp-content/uploads/2018/04/8678.jpg")
