Аз ҷониби Вазорати тандурустӣ ва ҳифзи иҷтимоии аҳолии Ҷумҳурии Тоҷикистон ба Беморхонаи марказии шаҳри Бӯстон якчанд адад таҷҳизҳоти муосири тиббӣ, аз қабили дефибриллятор, мизи гинекологӣ, оксигенатор, дастгоҳи сабти дил, кати функсионалӣ, дастгоҳи кашиши барқии гинекологӣ ва маводҳои тиббӣ тақдим карда шуд.
Дар маросими қабули таҷҳизот ва маводҳои тиббӣ роҳбарияти Беморхонаи марказии шаҳри Бӯстон иштирок намуда, ҷиҳати дастгириҳои пайвастаи соҳа ба Асосгузори сулҳу ваҳдати миллӣ, Пешвои миллат, Президенти Ҷумҳурии Тоҷикистон муҳтарам Эмомалӣ Раҳмон изҳори сипосу миннатдории хешро баён намуданд.
Бояд гуфт, ки таҷҳизот ва маводҳои тиббии ба беморхонаи мазкур тақдимшуда ҷиҳати боз ҳам беҳтар намудани хизматрасонии тиббӣ ба аҳолии шаҳр мусоидат хоҳанд намуд.