Дар толори маҷлисгоҳи Беморхонаи клиникии вилоятии ба номи Б.Воҳидов ҷаласаи ҳайати мушовараи Раёсати тандурустии вилояти Хатлон доир гардид, ки дар он сардори раёсати мазкур Раҷабзода М.М., роҳбарони марказҳои вилоятӣ, сартабибони беморхонаҳо, роҳбарони муассисаҳои кӯмаки аввалияи тиббию санитарии шаҳру ноҳияҳои вилоят иштирок намуданд.
Раҷабзода М.М., сардори Раёсати тандурустии вилояти Хатлон ҷаласаи ҳайати мушовараи раёсатро ҳусни оғоз бахшида, оид ба масъалаҳои ҷаласаи мазкур мухтасар суханронӣ намуд.
Ҳами тавр, дар ҷаласаи мазкур масъалаҳои вазъи хизматрасониҳои тиббӣ дар муассисаҳои тиббии ноҳияи Вахш, рафти иҷроиши “Барномаи миллӣ оид ба муқовимат ба эпидемияи вируси норасоии масунияти одам дар Ҷумҳурии Тоҷикистон барои солҳои 2017-2020”, ҷараёни амалисозии “Нақшаи стратегии миллии ҳимояи аҳолӣ аз бемориҳои сил барои солҳои 2015-2020”, вазъи хизматрасониҳои тиббӣ дар марказҳои бемории чашми вилоятии минтақаи Бохтар ва Кӯлоби вилояти Хатлон, ҷараёни иҷрои қарори Ҳукумати Ҷумҳурии Тоҷикистон аз 3 июли соли 2014, №437 “Дар бораи идома ва ҷорӣ намудани механизми таҷрибавии кӯмаки унвонии иҷтимоӣ ба оилаҳо ва шаҳрвандони камбизоат” мавриди баррасӣ қарор дода шуда, нисбати масъалаҳои мазкур қарорҳои дахлдор қабул гардид.
![](https://moh.tj/wp-content/uploads/2018/04/8678.jpg")
