Бо мақсади сазовор истиқбол намудани ҷашни бузурги миллӣ, 30- солагии Истиқлолияти давлатии Ҷумҳурии Тоҷикистон тибқи нақша давоми солҳои 2018-2021 сохтмон, азнавсозӣ ва таъмиру тармими 39 ҳуҷраҳои соҳаи стоматологӣ дар вилояти Суғд ба нақша гирифта шуда, то имрӯз ҳуҷраҳои стоматологии муассисаҳои тандурустии як қатор шаҳру ноҳияҳои вилоят таъмир ва бо таҷҳизоти зарурӣ таъмин карда шудаанд.
Махсусан, тамоми ҳуҷраҳои стоматологӣ ва роҳрави Дармонгоҳи стоматологии вилояти Суғд аз таъмир бароварда шуда, инчунин, дар дармонгоҳи мазкур ҳуҷраи имплантологӣ таъсис ва бо таҷҳизоти муосири имплантологӣ муҷаҳҳаз гардонида шудааст.
Ҳамзамон, бо мақсади эълон гардидани солҳои 2019-2021 «Соли рушди деҳот, сайёҳӣ ва ҳунарҳои мардумӣ» соли ҷорӣ ба як қатор марказҳои саломатии ноҳияҳои вилоят дастгоҳҳои замонавии стоматологӣ дастарс ва насб карда шуд.
Қайд кардан ба маврид аст, ки дар вилояти Суғд 5 Маркази стоматологӣ, 26 шӯъба ва 250 ҳуҷра ба аҳолӣ хизмати стоматологӣ мерасонанд.
![](https://moh.tj/wp-content/uploads/2018/04/8678.jpg")
