Апрел 11
11:14
2017
Дар шаҳри Исфара соҳибкори маҳаллӣ Абдуҷалил Савриддинов ба беморхонаи вилоятии касалиҳои руҳӣ, воқеъ дар деҳаи Лаккони шаҳри Исфара кӯмаки амалии худро расонид.
Рӯзномаи “Насими Исфара” дар такя ба манобеи худ иттилоъ дод, ки ин соҳибкори саховатманд ба 220 нафар табобатгирандагони беморхонаи вилоятии касалиҳои руҳӣ 220 маҷмӯъ сарулибос ва пойафзолҳои занонаву мардона, сарпечу сачоқ, лавозимоти рахти хоб ва 1 тонна орду миқдори муайян биринҷу макарон ва равғану қандро ҳадя фиристод.
Дар маҷмӯъ кӯмаки соҳибкор ба беморхонаи касалиҳои руҳӣ беш аз 60 ҳазор сомонӣ арзёбӣ мегардад.