Дар доираи ҳамкориҳои мутақобилан судманд миёни Вазорати тандурустӣ ва ҳифзи иҷтимоии аҳолӣ ва Вазорати маориф ва илми Ҷумҳурии Тоҷикистон бо дастгирии Созмони Умумиҷаҳонии Тандурустӣ дар ҷумҳурӣ баҳодиҳии ҳолати омодабошии мактабҳои таҳсилоти миёнаи умумӣ вобаста ба таъмин намудани омилҳои ба саломатии хонандагон мусоидаткунанда оғоз гардид.
Чорабинии мазкур бо мақсади ба «Мактабҳои ба саломатӣ мусоидаткунанда», ки Тоҷикистон аъзои шабакаи Аврупоии «Мактабҳои ба саломатӣ мусоидаткунанда» гардид, мутобиқ гардонидани мактабҳои таҳсилоти миёнаи умумӣ баргузор шуда истодааст.
Дар ин росто, қайд намудан ба маврид аст, ки мутахассисони Вазорати тандурустӣ ва ҳифзи иҷтимоии аҳолии Ҷумҳурии Тоҷикистон аз якчанд муассисаҳои таҳсилоти миёнаи умумии пойтахт дидан намуданд.
Дар назар аст, ки пас аз баргузории баҳодиҳӣ вобаста ба натиҷаҳои бадастомада ҳамкорӣ байни Вазорати тандурустӣ ва ҳифзи иҷтимоии аҳолӣ ва Вазорати маориф ва илми Ҷумҳурии Тоҷикистон боз ҳам густариш ёфта, дар оянда барои дар мактабҳои таҳсилоти миёнаи умумӣ муҳайё намудани муҳити бехатар барои саломатӣ чорабиниҳои иловагӣ анҷом дода мешаванд.
![](https://moh.tj/wp-content/uploads/2018/04/8678.jpg")
