Дар Муассисаи давлатии «Маркази миллии тавонбахшии кӯдакони маъюб «Чорбоғ» дар ноҳияи Варзоб» вобаста ба фаъолияти муассисаи мазкур дар соли равон маҷлиси ҷамъбастӣ баргузор гардид, ки дар он муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Шодихон Ҷамшед, сардори раёсати ҳифзи иҷтимоии аҳолии вазорат Қудратулло Қурбонов, роҳбарият ва кормандони муассиса иштирок намуданд.
Шодихон Ҷамшед, муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон зимни ифтитоҳи ҷаласа иброз дошт, ки тавонбахшии маъюбон яке аз самтҳои муҳими фаъолияти Вазорати тандурустӣ ва ҳифзи иҷтимоии аҳолии кишвар ба шумор рафта, дар ин самт пайваста тадбирҳои муҳим амалӣ карда мешаванд.
Номбурда иброз намуд, ки “Маркази миллии тавонбахшии кӯдакони маъюб “Чорбоғ” дар ноҳияи Варзоб” яке аз муассисаҳои фаъол дар самти ба тавонбахшӣ фаро гирифтани кӯдакони маъюб ба шумор меравад, ки дар он тамоми шароит ва имконоти мусоид фароҳам оварда шудааст.
Дар ҷаласа муовини директори муассисаи мазкур оид ба табобат Афғонов А вобаса ба фаъолияти муассиса дар соли 2020 баромад намуд.
Пас аз таҳлилҳо муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон Шодихон Ҷамшед фаъолияти муассисаро дар соли равон қаноатбахш арзёбӣ намуда, вазифаҳоро барои соли 2021 муайян намуд.