Имрӯз 27 апрели соли равон дар толори Муассисаи давлатии «Маркази Ҷумҳуриявии Иммунопрофилактика» -и назди Вазорати тандурустӣ ва ҳифзи иҷтимоии аҳолӣ Ҷуиҳурии Тоҷикистон семинари омӯзишӣ баргузор гардид.
Дар кори семинар Камолзода Мирхамуддин муовини вазири тандурустӣ ва ҳифзи иҷтимоии аҳолии Ҷумҳурии Тоҷикистон, Шералӣ Раҳматуллоев сардори Раёсати ташкили хизматрасонии тиббӣ ба модару кӯдак ва танзими оилаи Вазорати тандурустӣ ва ҳифзи иҷтимоии аҳоли Ҷумҳурии Тоҷикистон ва дигар мутахасисони соҳаву намояндагони ВАО иштирок намуданд.
Ҳадафи семинар баланд бардоштани фаҳмиш ва дониши рӯзноманигорон ва кормандони ВАО дар бораи ваксинахо, тақвими миллии иммунизатсия ва пешгирии бемориҳои ба воситаи ваксинаҳо идорашаванда ҳамчунин огоҳ намудани рӯзноманигорон ва кормандони ВАО дар бораи нақшаи Вазорати тандурустӣ ва ҳифзи иҷтимоии аҳолии Ҷумҳурии Тоҷикистон оид ба гузаронидани маъракаи миллии иммунизацияи иловагӣ бар зидди бемориҳои сурхча ва гулафшон маънидод мегардад.
Рӯзҳои миллии иммунизатсия бар зидди бемории сурхча ва гулафшон таи рӯзҳои 15 – 25 майи соли ҷорӣ гузаронида мешавад.
Дар кори чорабинӣ зарурати гузаронидани иммунизатсия миёни кудакону наврасони ҷомеаи кишвар мавриди баррасӣ қарор гирифт.