Имрӯз, 1 феврали соли равон дар Вазорати тандурустӣ ва ҳифзи иҷтимоии аҳолии Ҷумҳурии Тоҷикистон вазири тандурустӣ ва ҳифзи иҷтимоии аҳолии кишвар Ҷамолиддин Абдуллозода бо Виктор Олсавски, Роҳбари навтаъйини Ташкилоти умумиҷаҳонии тандурустӣ дар Ҷумҳурии Тоҷикистон мулоқот намуд.
Нахуст Ҷамолиддин Абдуллозода, вазири тандурустӣ ва ҳифзи иҷтимоии аҳолии кишвар Виктор Олсавскиро ба муносибати Роҳбари ташкилоти мазкур дар Тоҷикистон интихоб гардиданаш шодбош намуда, дар идомаи фаъолияти корӣ ба номбурда барору комёбӣ орзу намуд.
Дар идомаи суҳбат Ҷамолиддин Абдуллозода, вазири тандурустӣ ва ҳифзи иҷтимоии аҳолии Ҷумҳурии Тоҷикистон вобаста ба вазъи бемории коронавируси нави COVID-19 дар мамлакат суханронӣ намуда, иброз дошт, ки хушбахтона аз оғози моҳи январи соли равон то имрӯз дар кишвар ягон ҳодисаи нави бемории мазкур ба қайд гирифта нашудааст.
Дар анҷоми вохурӣ ҷонибҳо ҳавасмандии хешро ҷиҳати боз ҳам тақвият бахшидани ҳамкориҳо иброз намуданд.
![](https://moh.tj/wp-content/uploads/2018/04/8678.jpg")
