Феврал 02
13:08
2021
Теъдоди ҳолатҳои нави сироятёбӣ бо COVID-19 дар ҷаҳон се ҳафта боз пай дар пай коҳиш меёбад. Дар ин бора 1 феврал зимни брифинг дар Женева Директори генералии Созмони умумиҷаҳонии тандурустӣ (СУТ) Тедрос Аданом Гебрейесус изҳор намудааст, хабар медиҳад АМИТ «Ховар» бо истинод ба ТАСС.
«Се ҳафта боз пай дар пай теъдоди ҳолатҳои нави сироятёбӣ аз COVID-19 дар ҷаҳон коҳиш меёбад», — гуфт Тедрос Аданом Гебрейесус. Ва ӯ ин хабарро умедворкунанда номид. Ин нишон медиҳад, ки вирусро ҳатто бо мавҷудияти намудҳои нави он, ки ҳоло дар гардишанд, назорат кардан мумкин аст.
Ин нишони он аст, ки бо идома додани чораҳои зиддивирусӣ ба пешгирии паҳншавии сироятёбӣ муваффақ шудан мумкин аст, зикр намуд роҳбари СУТ.
АКС аз манобеи озод
![](https://moh.tj/wp-content/uploads/2018/04/8678.jpg")
